ლოკოიდი ® – LOCOID® – ЛОКОИД ®

საერთაშორისო არაპატენტირებული დასახელება :

ჰიდროკორტიზონი

სამკურნალო ფორმა : 0.1%, გარეგანი გამოყენების კრემი

აღწერილობა : თეთრი ფერის ერთგვაროვანი კრემი

შემადგენლობა :

1 გრამი კრემი შეიცავს :

აქტიური ნივთიერება : ჰიდროკორტიზონ -17- ბუთირატი …………. 1.0 მგ ;

დამხმარე ნივთიერებები : ცეტოსტეარილის სპირტი , მაკროგოლი 25 ცეტოსტეარილის ეთერი , თხევადი პარაფინი , თეთრი რბილი პარაფინი , პროპილპარაჰიდროქსიბენზოატი , ბუთილპარაჰიდროქსიბენზოატი , უწყლო ლიმონმჟავა , უწყლო ნატრიუმის ციტრატი , გასუფთავებული წყალი .

ფარმაკოთერაპიული ჯგუფი:

დერმატოლოგიაში გამოსაყენებელი კორტიკოსტეროიდები

ფარმაკოლოგიური მოქმედება:

ლოკოიდი ® წარმოადგენს გარეგანი გამოყენების სინთეზურ , არაჰალოგენიზირებულ გლუკოკორტიკოიდულ პრეპარატს , რომელიც მიეკუთვნება ზომიერი აქტივობის კორტიკოსტეროიდების მე -2 ჯგუფს . იგი ავლენს სწრაფად მიღწევად ანთების , შეშუპებისა და ქავილის საწინააღმდეგო მოქმედებას . მისი ეფექტურობა უტოლდება ჰალოგენიზებულ სტეროიდებს .

ლოკოიდის ® გამოყენება რეკომენდებული დოზებით არ იწვევს ჰიპოთალამო – ჰიპოფიზარულ – თირკმელზედა ჯირკვლის სისტემის დათრგუნვას . მიუხადავად იმისა , რომ პრეპარატის დიდი დოზების გამოყენებამ ხანგრძლივად , განსაკუთრებით ოკლუზიური ნახვევის გამოყენების შემთხვევაში , შეიძლება გამოიწვიოს სისხლის პლაზამში კორტიზოლის შემცველობის მომატება , ამას არასდროს ახლავს თან ჰიპოფიზარულ – სუპრარენალური სისტემის რეაქტივობის დაქვეითება , ხოლო პრეპარატის მოხსნა იწვევს კორტიზოლის პროდუქციის სწრაფ ნორმალიზაციას .

ფარმაკოკინეტიკა:

შეწოვა

აპლიკაციის შემდეგ ადგილი აქვს ეპიდერმისში აქტიური ნივთიერების დაგროვებას , ძირითდად მარცვლოვან შრეში .

მეტაბოლიზმი

კანის გზით აბსორბირებული ჰიდროკორტიზონ -17- ბუთირატი მეტაბოლიზდება ჰდროკორტიზონამდე და სხვა მეტაბოლიტებამდე უშუალოდ ეპიდერმისში და შემდგომ ღვიძლში .

გამოყოფა

მეტაბოლიტები და შეუცვლელი ჰიდროკორტოზონ -17- ბუთირატის უმნიშვნელო ნაწილი გამოიყოფა შარდით ან განავლით .

გამოყენების ჩვენებები:

ზედაპირული , არაინფიცირებული , ადგილობრივი გამოყენების გლუკოკორტიკოიდებისადმი მგრძნობიარე კანის დაავადება :

  • ეგზემა;
  • დერამატიტები;
  • ფსორიაზი.

უკუჩვენებები:

დერმატიტები , გართულებული ბაქტერიული ( მაგალითად , პიოდერმია, სიფილისი, ტუბერკულოზი ), ვირუსული ( მაგალითად , ოროფაციალური ჰერპესი, ჩუტყვავილა, მკრეჭველი სირსველი, წვეტიანი კონდილომები, მეჭეჭები, კონტაგიოზური მოლუსკი), სოკოვანი და პარაზიტული ( მაგალითად , მუნი ) ინფექციებით ;

* კანის წყლულები და ჭრილობები;

* პერიორალური დერმიტი, სტრიები;

* იქტიოზი, მოზარდთა ტერფის დერმატოზი, როზაცეა, აკნე ვულგარის, სისხლძარღვების მტვრევადობა, კანის ატროფია;

* ჰიპერმგრძნობელობა კორტიკოსტეროიდებზე ან პრეპარატის დამხმარე ნივთიერებებზე.

ორსულობა და ლაქტაცია:

კორტიკოსტეროიდები გადიან პლაცენტაში. სისტემური სტეროიდების მაღალი დოზების გამოყენებისას დარეგისტრირებულია ჰიპოთალამო – ჰიპოფიზარულ – სუპრარენალური სისტემის დათრგუნვა და ნაყოფის საშვილოსნოსშიდა ზრდის შეფერხება . გარეგანი კორტიკოსტეროიდების გამოყენებისას მათი განვითარების რისკი არ არის დადგენილი , მაგრამ არ შეიძლება მისი აბსოლუტური გამორიცხვა ხანგრძლივი გამოყენებისას და დაზიანების დიდ უბანზე წასმისას .

ლოკოიდი ® გამოყენება ლაქტაციის დროს შეიძლება მხოლოდ დაზიანების მცირე უბანზე წასმისას და მისი ხანმოკლე გამოყენებისას.

დანარჩენ შემთხვებებში რეკომენდირებულია ძუძუთი კვების შეწყვეტა .

მიღების წესები და დოზირება:

პრეპარატის მცირე რაოდენობას ისვამენ დაზიანებულ კანზე დღეში 1-3- ჯერ . დადებითი დინამიკის გამოვლენისას პრეპარატს იყენებენ 2-3- ჯერ კვირაში . შეღწევის გასაუმჯობესებალდ პრეპარატს იღებენ მასირებით .

დაავადების რეზისტენტული მიმდინარეობისას, მაგალითად იდაყვის მიდამოში, მუხლებზე მკვრივი ფსორიაზული ფოლაქების ლოკალიზაციის დროს   აუცილებელია პრეპარატის გამოყენება ოკლუზიური ნახვევის სახით . კვირის განმავლობაში გამოყენებული პრეპარატის დოზა არ უნდა აჭარბებდეს 30-60 გრამს .

გვერდითი მოქმედება:

ადგილობრივი რეაქციები :

* კანის ატროფია ( ეპიდერმისის გამოფიტვა , ტელანგიოექტაზიები , სტრიები , პურპურა );

* პერიორალური დერმატიტი და როზაცეა;

* ჭრილობის შეხორცების შენელება;

* დეპიგმენტაცია;

* ჰიპერტრიქოზი;

* კონტაქტური დერმატიტი;

* “რიკოშეტის” სინდრომი , რომელიც აძნელებს კორტიკოსტეროიდის მოხსნას .

* თვალშიდა წნევის მომატება და კატარაქტის განვითარების რისკი ( კონიუნქტივაზე სისტემატური მოხვედრისას ).

სისტემური რეაქციები :

ხანგრძლივი გამოყენებისას და / ან წასმისას დიდ ზედაპირზე შესაძლებელია გამოვლინდეს სისტემური გვერდითი ეფექტები , რომელიც დამახასიათებელია სისტემური კორტიკოსტეროიდებისთვის.

გვერდითი ეფექტების გამოვლენის რისკი ლოკოიდ ® – ის გამოყენებისას უფრო მცირეა ვიდრე ფტორირებული სტეროიდების გამოყენების დროს.

დოზის გადაჭარბება:

მაღალი დოზებით პრეპარატის ხანგრძლივი გამოყენებისას შესაძლებელია ზემოთ აღწერილი გვერდითი ეფექტების გაძლიერება . ჰიპერკორტიციზმის სიმპტომების გამოვლენისას რეკომენდირებულია პრეპარატის მოხსნა .

გამოყენების თავისებურებანი:

არ შეიძლება ლოკოიდ ®- ის წასმა პერიორბიტალურ მიდამოში გლაუკომის და სუბკაფსულარული კატარაქტის განვითარების რისკის გამო . სიფთხილით უნდა იქნას გამოყენებული პრეპარატი სახის კანზე , გენიტალურ და თავის თმიან ნაწილზე, რომელიც შედარებით მგრძნობიარეა კორტიკოსტეროიდების მოქმედების მიმართ

(მისი გამოყენების ხანგრძლივობა მოცემულ უბნებზე შეძლებისდაგვრად არ უნდა აღემატებოდეს 7 დღეს).

ადგილობრივი და სისტემური გვერდითი ეფექტების განვითარების რისკი იზრდება მისი წასმისას დაზიანების დიდ უბნებზე , ხანგრძლივი გამოყენებისას , ოკლუზიის დროს და საბავშვო ასაკში .

ბავშვებში თირკმელზედა ჯირკვლის ქერქის ფუნქციის დათრგუნვა ადგილობრივი კორტიკოსტეროიდების გამოყენებისას სწრაფად ვითარდება. გარდა ამისა , შეიძლება აღინიშნოს ზრდის ჰორმონის გამომუშავების შემცირება. თერაპიის ხანგრძლივი კურსის გამოყენებისას ბავშვებში აუცილებელაია სხეულის მასის, ზრდის და პლაზმის კორტიზოლის დონის კონტროლი.

ურთიერთქმედება სხვა სამკურნალო საშუალებებთან:

ლოკოიდ ®- ის სხვა სამკურნალო საშუალებებთან ურთიერთქმედების შესახებ მონაცემები არ არსებობს .

პრეპარატის ზეგავლენა ავტომანქანის მართვაზე და სხვა მექანიზმებთან მუშაობაზე: .

არ არის მონაცემები ლოკოიდ ®- ის   გავლენასთან დაკავშირებით ავტომანქანის ან სხვა მექანიზმების მართვაზე .

გამოშვების ფორმა:

გარეგანი გამოყენების 15, 20, 30, 50 ან 100 გრამიანი კრემი ალუმინის ან პლასტმასის ტუბებში .

1 ტუბი გამოყენების ინსტრუქციასთან ერთად მუყაოს შეფუთვაში .

შენახვის ვადა და პირობები:

ინახება არაუმეტეს 25 °C.

ინახება ბავშვებისთვის მიუწვდომელ ადგილას .

არ გაყინოთ .

შენახვის ვადა:

3 წელი .  არ შეიძლება პრეპარატის გამოყენება შეფუთვაზე მითითებული შენახვის ვადის გასვლის შემდეგ .

გაცემის პირობები:

ფარმაცევტული პროდუქტის ჯგუფი III( გაცემის წესი რეცეპტის გარეშე ).

მწარმოებლები:

” ტემლერ იტალია ს . რ . ლ ” ვია დელე ინდუსტრი , 2, იტალია

Facebook კომენტარები

Vairkoseti