ორნისიდი – ORNISID – ОРНИСИД

საერთაშორისო დასახელება:

ORNIDAZOLE

მწარმოებელი: ABDI IBRAHIM Ilac. San.

ve Tic. A.S., თურქეთი

მოქმედი ნივთიერება: ორნიდაზოლი

კლინიკურ-ფარმაკოლოგიური ჯგუფი:

ანტიმიკრობული და ანტიპროტოზოული პრეპარატი.

შემადგენლობა და გამოშვების ფორმა:

ორნისიდ 250 მგ

შემოგარსული ტაბლეტები: შეფუთვაში 20 ც.

1 ტაბ.

ორნიდაზოლი ……..   250 მგ

ვაგინალური ტაბლეტები: შეფუთვაში 3 ც.

1 ტაბ.

ორნიდაზოლი ……..  500 მგ

ორნისიდი ფორტე

შემოგარსული ტაბლეტები: შეფუთვაში 10 ც.

1 ტაბ.

ორნიდაზოლი ……..   500 მგ

ფარმაკოლოგიური თვისებები:

ორნიდაზოლის ლიპოფილური მოლეკულა პასიური დიფუზიის საშუალებით აღწევს მიკროორგანიზმების კედელში და დნმ-ის სინთეზის დათრგუნვის გზით იწვევს ბაქტერიებისა და პროტოზოების სიკვდილს.

ორნიდაზოლი ეფექტურია ისეთ გამომწვევებთან მიმართებაში, როგორიცაა Entamoeba histolytica, Giardia lamblia(Giardia intestinalis) ბაქტეროიდების და კლოსტრიდიების ზოგიერთი შტამი, ფუზობაქტიერბი, ასევე აქტიურია პათოგენური ანაერობების მიმართ, როგორიც in vivo, ისე in vitro.

ფარმაკოკინეტიკა:

პრეპარატი კარგად შეიწოვება კუჭ-ნაწლავის ტრაქტიდან: 1.5 გ პერორალური დოზის მიღებიდან 2 საათის შემდეგ პლაზმური კონცენტრაციის პიკი შეადგენს 30 მგკ/მლ. 24 საათის შემდეგ ეს კონცენტრაცია შეადგენს 9 მკგ/მლ, ხოლო 48 საათის შემდეგ მცირდება 2.5 მკგ/მლ-მდე.

პრეპარატი კარგად ნაწილდება ორგანიზმის ქსოვილებსა და სითხეებში, მათ შორის ზურგის ტვინის სითხეში.

მეტაბოლიზმს განიცდის ღვიძლში.

პირველი 5 დღის განმავლობაში მიღებული დოზის 85% ორგანიზმიდან გამოიყოფა კონიუგატებისა და მეტაბოლიტების სახით. პრეპარატის 63% გამოიყოფა შარდით, ხოლო 22% – განავალთან ერთად. ორნიდაზოლისა და მისი მეტაბოლიტების ნაღველთან ერთად გამოყოფას შეიძლება ჰქონდეს არსებითი მნიშვნელობა. პლაზმის ცილებთან შეკავშირების მაჩვენებელი შეადგენს 15%-ზე ნაკლებს, ხოლო ნახევარგამოყოფის პერიოდი 12-14 საათს.

ჩვენებები:

გამოიყენება პროტოზოული და ანაერობული ინფექციების მკურნალობა-პროფილაქტიკისათვის.

  • ტრიქომონიაზი: Trichomonas vaginalis-ის მიერ გამოწვეული შარდ-სასქესო სისტემის ინფექცია ქალებსა და მამაკაცებში;
  • ამებიაზი: გასტროინტესტინური ინფექცია (ამებური დიზენტერიის ჩათვლით), ღვიძლის აბსცესი და ამებიაზის სხვა არანაწლავური ფორმები (გამომწვევიEntamoeba histolytica);
  • გიარდოზი (ლამბლიოზი).
  • ანაერობული ინფექციები: სეპტიცემია, მენინგიტი, პერიტონიტი, პოსტოპერაციული ჭრილობის ინფექციები, მშობიარობის შემდგომი სეპტიცემია და აბორტის შემდგომი სეფსისი და ენდომეტრიტი, გამოწვეული ანაერობული ფლორით.
  • გამოიყენება პროფილაქტიკისათვის მსხვილ ნაწლავზე ოპერაციების, გინეკოლოგიური და სხვა ტიპის ოპერაციების დროს.

მიღების წესი და დოზირება:

პრეპარატი ინიშნება ჭამის შემდეგ. თუ ექიმის მხრიდან არ არსებობს განსაკუთრებული მითითება, მაშინ პრეპარატი ინიშნება შემდეგი წესით:

ტრიქომონიაზის დროს:

– ერთჯერადი მკურნალობა: საღამოს 1500 მგ ან 100 მგ პერორალურად და 1 ვაგინალური ტაბლეტი ძილის წინ.

– 5 დღიანი კურსი: 1000 მგ/დღეში პერორალურად და 1 ვაგინალური ტაბლეტი ძილის წინ. რეინფექციის პროფილაქტიკის მიზნით ამ პერიოდის განმავლობაში საჭიროა პარტნიორმაც გაიაროს იდენტური მკურნალობის კურსი.

მკურნალობის კურსის ხანგრძლივობა:

ერთჯერადი მკურნალობა:

I მეთოდი: ექვსი 250 მგ ან სამი 500 მგ პერორალური ტაბლეტი;

II მეთოდი: ოთხი 250 მგ ან ორი 500 მგ პერორალური ტაბლეტი და 1 ვაგინალური ტაბლეტი.

5-დღიანი მკურნალობის კურსი:

I მეთოდი: ორი 250 მგ ან ერთი 500 მგ პერორალური ტაბლეტი დილით. ორი 250 მგ ან ერთი 500 მგ პერორალური ტაბლეტი საღამოს და 1 ვაგინალური ტაბლეტი ძილის წინ.

II მეთოდი: ორი 250 მგ ან ერთი 500 მგ პერორალური ტაბლეტი დილით; ორი 250 მგ ან ერთი 500 მგ პერორალური ტაბლეტი საღამოს. ბავშვებში პრეპარატის დღე-ღამური დოზა შეადგენს 25 მგ/კგ წონაზე.

ამებიაზის დროს:

– ამებური დიზენტერიით დაავადებული პაციენტებისათვის რეკომენდებულია მკურნალობის სამდღიანი კურსი;

– ამებიაზის ყველა სხვა დანარჩენი ფორმების დროს მკურნალობის კურსი შეადგენს 5-10 დღეს.

დღე-ღამური დოზები

მკურნალობის კურსის ხანგრძლივობაბავშვები წონით >35 კგბავშვები წონით
3 დღესაღამოს 1500 მგ წონით  >60 კგ; 1000 მგ 2-ჯერ დღეშიერთჯერადად 40 მგ/კგ
5-10 დღე500 მგ 2-ჯერ დღეშიერთჯერადად 25 მგ/კგ

გიარდიოზის (ლამბლიოზის) დროს:

დღე-ღამური დოზები

მკურნალობის კურსის ხანგრძლივობაბავშვები წონით > 35 კგბავშვები წონით
1-2 დღეერთჯერადად საღამოს 1500 მგ/დღეშიერთჯერადად 40 მგ/კგ
5-10 დღე500 მგ 2-ჯერ დღეშიერთჯერადად: 25 მგ/კგ

ანაერობული ინფექციები:

-ანაერობული ინფექციის მკურნალობა: 500 მგ დილით და 500 მგ საღამოს 5-10 დღის განმავლობაში;

საბავშვო დოზა: 20-30 მგ/კგ წონაზე;

– ანაერობული ინფექციის პროფილაქტიკა: ანაერობული ინფექციის პროფილაქტიკის მიზნით ოპერაციის წინ ინიშნება 500-1000 მგ, ხოლო ოპერაციის შემდეგ ყოველი 12 საათში 500 მგ 1-5 დღის განმავლობაში.

ანაერობული ინფექცია
მკურნალობაპროფილაქტიკა
საწყისი დოზა500-1000 მგ500-1000 მგ
სამკურნალო დოზა

24 სთ-ში ერთხელ 1000 მგ ან

12 საათში ერთხელ 500 მგ

24 საათში ერთხელ 1000 მგ ან

12 საათში ერთხელ 500 მგ

ხანგრძლივობა5-10 დღე1-5 დღე

გვერდითი მოვლენები:

შესაძლებელია თავის ტკივილი, თავბრუსხვევა, დისკომფორტი კუჭ-ნაწლავის ტრაქტის მხრივ.

ცალკეულ შემთხვევებში შეიძლება გამოვლინდეს სენსორული და სენსორული-მამოძრავებელი ნეიროპათიის ნიშნები; ტრემორი; კოორდინაციის დარღვევა, გონების დაბინდვა და კანისმხრივი რეაქციები.

არასასურველი ეფექტების გამოვლენის შემთხვევაში მიმართეთ ექიმს.

უკუჩვენებები:

* პრეპარატის ან მის შემადგენლობაში შემავალი კომპონენტების მიმართ მომატებული მგრძნობელობა და ცენტრალური ნევრული სისტემის ფუნქციის დარღვევა.

განსაკუთრებული მითითებები:

◄პაციენტებში, რომლებსაც მკურნალობამდე აღენიშნებათ სისხლის ფორმულის დარღვევები, აუცილებელია ლეიკოციტების მონიტორინგი მკურნალობამდე და მის შემდეგ.

◄ორნიდაზოლის მკურნალობის ფონზე შესაძლებელია პერიფერიული და ცენტრალური ნერვული სისტემების არსებული დაავადებების გამწვავება. აუცილებელია მკურნალობის შეწყვეტა ნეიროპათიის, ატაქსიის, ვერტიგოსა და ცნობიერების დარღვევის განვითარების შემთხვევაში.

◄ჰემოდიალიზი ამცირებს ორნიდაზოლის ნახევარ გამოყოფის პერიოდს, ამიტომ დამატებითი დოზის დანიშვნა შესაძლოა გახდეს საჭირო.

◄ჩატარებული კვლევებით არ იქნა გამოვლენილი პრეპარატის ტერატოგენული და ემბრიოტოქსიური ეფექტები, მაგრამ მიუხედავად ამისა, მისი მიღება ორსულობის პირველ ტრიმესტრში დასაშვებია მხოლოდ განსაკუთრებული აუცილებლობის შემთხვევაში. პრეპარატის რძესთან ერთად გამოყოფის შესაძლებლობის გამო მეძუძურ დედებში ორნიდაზოლი ინიშნება სიფრთხილით.

ჭარბი დოზირება:

ჭარბი დოზირებისას შესაძლებელია გამოვლინდეს ზემოთაღნიშნული გვერდითი მოვლენები შედარებით გამოხატული სიმპტომებით.

სპეციფიური ანტიდოტი არ არსებობს. კრუნჩხვების დროს რეკომენდებულია დიაზეპამის გამოყენება.

სხვა წამლებთან ურთიეთქმედება:

– სხვა ნიტრო-იმიდაზოლებისგან განსხვავებით ორნიდაზოლი არ აბლოკირებს ალდეჰიდდეჰიდროგენაზას, ამიტომ არ არის ალკოჰოლის აუტანლობის რისკი.

– ორნიდაზოლის 5-ნიტროიმიდაზოლის სხვა წარმოებულებთან თანადროული მიღებისას შეიძლება განვითარდეს პერიფერიული ნევრიტები, დეპრესია, ეპილეპტიფორმული კრუნჩხვები.

შენახვის პირობები:

პრეპარატი ინახება არა უმეტეს 300C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

Facebook კომენტარები

Vairkoseti