Aviabiltebi

პროგესტერონი 2.5% 1მლ #10ა(საქ

პროგესტერონის 2,5% ხსნარი ზეთში საინექციო

S o l u t i o    P r o g e s t e r o n i   o l e o s a   2,5%   p r o    i n j e c t i o n i b u s  

 

გენერიული დასახელება: Progesterone
ფარმაკოთერაპიული ჯგუფი: ჰორმონალური, ჰესტაგენური საშუალება.
ATC – კოდი: BGO3D A04
ფორმა: საინექციო ხსნარი ზეთში ამპულებში.
შემადგენლობა: ყოველი მლ პრეპარატი შეიცავს 25მგ პროგესტერონს.
დამხმარე ნივთიერებები: არაქისის ზეთი, ბენზილის სპირტი.
ფარმაკოლოგიური თვისებები:
ფარმაკოდინამიკა: პროგესტერონი იწვევს საშვილოსნოს ლორწოვანი გარსის პროფილაციის ფაზიდან, რომელიც გამოწვეულია ფოლიკულური ჰორმონებით, სეკრეტორულ ფაზაში გადასვლას. პროგესტერონი განაყოფიერების შემდეგ უზრუნველყოფს მის გადასვლას იმ მდგომარეობაში, რომელიც აუცილებელია განაყოფიერებული კვერცხუჯრედის განვითარებისათის. პრეპარატი საშვილოსნოს კუნთებისა და მილების აღგზნებას და შეკუმშვას ამცირებს. იგი ასტიმულირებს სარძევე ჯირკვლის საბოლოო ელემენტების განვითარებას.
ფარმაკოკინეტიკა: კუნთში ან კანქვეშ შეყვანის შემდეგ შეიწოვება სწრაფად და პრაქტიკულად სრულად. მეტაბოლიზირდება ღვიძლში, პლაზმიდან გამოყვანის ნახევარ პერიოდი შეადგენს რამდენიმე წუთს. გამოიყოფა შარდთან (50-60%) და განავალთან ერთად.
ჩვენებები: ამენორეა; საშვილოსნოს ანოვულარული სისხლდენები; უშვილობა; ორსულობის შეწყვეტა; ალგომენორეა.
მიღების წესი და დოზირება: შეჰყავთ კუნთში. გამოყენების წინ ამპულას ათბობენ 30 – 400С-მდე.
ამენორეის და საკვერცხეების დისფუნქციასთან დაკავშირებული სისხლდენების დროს, შეჰყავთ 5-10 მგ პროგესტერონი ყოველდღე, 6-8 დღის განმავლობაში. Yყვითელი სხეულის უკმარისობის შემთხვევაში 12,5 მგ დღეში 2 კვირის განმავლობაში ოვულაციის მომენტიდან.
ჰიპოგენიტალიზაციისა და ამენორეის (ესტროგენური პრეპარატების გამოყენების შემდეგ) დროს პრეპარატი მიიღება ყოველდღე 5 მგ-ის ან ყოველ მეორე დღეს 10 მგ-ის ოდენობით 6-8 დღის განმავლობაში.
მოსალოდნელი მუცლის მოწყვეტის ან მისი საწყისი პერიოდის პროფილაქტიკისა და მკურნალობისას პრეპარატი მიიღება ყოველდღიურად 10-15 მგ-ის ოდენობით ან ყოველ მომდევნო დღეს შესაძლო მუცლის მოწყვეტის სიმპტომების გაქრობამდე. ჩვეული მუცლის მოწყვეტის შემთხვევაში პრეპარატი შეყავთ ორსულობის 4 თვემდე.
ალგემენორეის (დისმენორეის) მკურნალობისათვის მკურნალობა იწყება მენსტრუალური ციკლამდე 6-8 დღით ადრე დოზით 5-10 მგ 6-8 დღის განმავლობაში. მოზრდილებში მაქსიმალური ერთჯერადი და დღეღამური პარენტერალური დოზა შეადგენს 25 მგ-ს.
უკუჩვენებები: ჰიპერმგრძნობიარობა, ღვიძლის ფუნქციის დარღვევა, ჰეპატიტი, სარძევე ჯირკვლის და სასქესო ორგანოების კიბო, თრომბოზების მიმართ მიდრეკილება.
გვერდითი მოვლენები: ტრომბოემბოლია, ტრომბოფლებიტი, ბადურას ვენების ტრომბოზი, გალაქტორეა, ქოლეოცისტიტი, სარძევე ჯირკვლების გადიდება, აპატია, ძილიანობა, არტერიული წნევის მომატება, შეშუპება, ალერგიული რეაქციები და ტკივილი შეყვანის ადგილას.
ურთიერთქმედება სხვა პრეპარატებთან: პროგესტერონი ასუსტებს მიომეტრიუმის შეკუმშვის მასტიმულირებელი პრეპარატების და ანაბოლური სტეროიდების მოქმედებას. აძლიერებს დიურეტიკების, ჰიპოტენზიური პრეპარატების და იმუნოდეპრესანტების მოქმედებას. ასუსტებს ანტიკოაგულანტების ეფექტურობას.
სიფრთხილე და განსაკუთრებული მითითებები: ძუძუთი კვების პერიოდში პრეპარატი უკუნაჩვენებია.
ჭარბი დოზირება: პრეპარატის მაღალი დოზების გამოყენებისას ხშირდება გვერდით მოვლენები აღწერილი შესაბამის ნაწილში. ამ დროს აუცილიებელია პრეპარატის მიღების შეწყვეტა გვერდითი ეფექტების გაქრობამდე. აუცილებლობის შემთხვევაში ატარებენ სიმპტომატიურ მკურნალობას.
შენახვის პირობები: ბავშვებისათვის მიუწვდომელ ადგილას, არაუმეტეს +250C ტემპერატურაზე. ამპულის შიგთავსის გასქელების შემთხვევაში პრეპარატს ათბობენ 30 – 400С-მდე.
შენახვის ვადა: 6 წელი.
გამოშვების ფორმა: 1 მლ პრეპარატი ამპულაში. 10 ამპულა კოლოფში.
გაცემის წესი: ფარმაცევტული პროდუქტის ჯგუფი II, გაიცემა ფორმა #3 რეცეპტით.
მწარმოებელი: ს/ს “ბიოფარმი”, გოთუას ქ.#3, 0160, თბილისი.
ტელ/ფაქსი: (99532) 225 29 56, ელ. ფოსტა: biopharm@caucasus.net

Facebook კომენტარები