საერთაშორისო დასახელება:
PREDNIZOLONE; LIDOCAINE; TRICLOSAN
მწარმოებელი: GEDEON RICHTER, უნგრეთი
მოქმედი ნივთიერება: პრედნიზოლონი + ლიდოკაინი
+ d-პანტენოლი + ტრიკლოზანი
კლინიკურ–ფარმაკოლოგიური ჯგუფი:
ჰორმონები და მათი ანალოგები და ანტიჰორმონალური საშუალებები; თირკმელზედას ქერქის ჰორმონები.
აძლიერებს სწორი ნაწლავის სისხლძარღვების კედლის ტონუსს, ამცირებს მის გამტარებლობას.
გამოშვების ფორმა:
მალამო: ტუბში 2I გ
1 გ
პრედნიზოლონი ……….. 2 მგ
ლიდოკაინი ……………… 20 მგ
d-პანტენოლი……………. 20 მგ
ტრიკლოზანი …………… 1 მგ
ფარმაკოლოგიური თვისებები:
აურობინი წარმოადგენს კომბინირებულ პრეპარატს, მასში შემავალი კომპონენტების ოპტიმალური თანაფარდობა განაპირობებს პერიანალურ უბანზე არსებული ანთებითი პროცესების ეფექტურ მკურნალობას.
პრედნიზოლონის კაპრონატი წარმოადგენს არაჰალოგენიზირებულ ადგილობრივი მოქმედების გლუკოკორტიკოსტეროიდს, რომელიც ამცირებს სისხლძარღვების განვლადობას, ზრდის სისხლძარღვების კედლების ტონუსს და ამცირებს ანთების სიმპტომებს.
ლიდოკაინი სწრაფად ახდენს ტკივილის და წვის შეგრძნების კუპირებას. d-პანთენოლი უზრუნველყოფს დაზიანებული ეპითელიუმის რეგენერაციას. ტრიკლოზანი წარმოადგენს ფართო სპექტრის ანტისეპტიკურ საშუალებას.
ჩვენებები:
ანოგენიტალური მიდამოს ანთებით მიმდინარე პროცესების დროს.
მაგ. უკანა ტანის ქავილის, პერიანალური მიდამოს ეგზემის და დერმატიტის, ჰემოროიდული კვანძების და უკანა ტანის ფისტულების სამკურნალოდ.
მიღების წესი და დოზირება:
მალამოს თხელი ფენა დაიტანება დაზიანებულ ზედაპირზე 2-4-ჯერ დღეღამეში.
შინაგანი ჰემოროიდული კვანძების არსებობისას მალამო მცირე რაოდენობით (მარცვლისოდენა) შეყავთ სწორ ნაწლავში 2-4-ჯერ დღეღამეში. სიმპტომების შემსუბუქებისას მალამო გამოიყენება იშვიათად.
გვერდითი მოვლენები:
მკურნალობის ხანგრძლივი კურსისას შესაძლებელია აღინიშნოს კანის ატროფია, ჰიპერტრიქოზი, ნაწიბურები. შინაგანი ჰემოროიდული კვანძების მკურნალობის დროს პრეპარატის ჭარბი დოზირებისას მოსალოდნელია ზომიერი ბრადიკარდიის განვითარება.
უკუჩვენებები:
* ვირუსული ინფექცია;
* პრეპარატის ან მის შემადგენლობაში შემავალი რომელიმე კომპონენტის მიმართ მომატებული მგრძნობელობა;
* სხვა ჩვენების გამო ლიდოკაინით სისტემური, კომბინირებული მკურნალობა.
განსაკუთრებული მითითებები:
პრეპარატის დიდი მოცულობის დაზიანებულ უბანზე გამოყენებისას მხედველობაში უნდა ვიქონიოთ მოქმედი ნივთიერების შეწოვის შესაძლებლობა, ამიტომ ორსულობის I ტრიმესტრში მისი გამოყენება დაუშვებელია, ხოლო ამის შემდეგ საჭიროა განსაკუთრებული სიფრთხილე. პრეპარატის შემადგენლობაში შემავალი სტეროიდების არსებობის გამო პრეპარატის ხანგრძლივი დროით და განუწყვეტლივ გამოყენებისაგან თავი უნდა შევიკავოთ.
თუ ანთების შენარჩუნებაში დიდ როლს თამაშობს სოკოებით გამოწვეული ინფექციები, მაშინ საჭიროა უზრუნველვყოთ ერთობლივი, სპეციფიკური სოკოს საწინააღმდეგო საშუალებებით მკურნალობა.
შენახვის პირობები:
პრეპარატი ინახება ბავშვებისათვის მიუწვდომელ ადგილას 8-15°C ტემპერატურაზე.
შენახვის ვადა:
პრეპარატის გამოყენება შეიძლება შეფუთვაზე მითითებული ვარგისიანობის ვადის ამოწურვამდე. 2 წელი.
აფთიაქში გაცემის წესი:
ექიმის რეცეპტით.
