მოცემული პრეპარატის გამოყენებამდე ყურადღებით წაიკითხეთ შეფუთვის ჩანართის შინაარსი.
- შეინახეთ ჩანართი. თქვენ შესაძლოა გაგიჩნდეთ მისი გადაკითხვის საჭიროება.
- თუ თქვენ გაქვთ რაიმე შეკითხვები, ჰკითხეთ ექიმს ან ფარმაცევტს.
- ეს წამალი გამოწერილია თქვენთვის. არ გადასცეთ ის სხვებს. მან შესაძლოა მათ ზიანი მიაყენოს, თუნდაც მათი სიმპტომები ისეთივეა, როგორც თქვენი.
- თუ შეიცვალა გვერდითი ეფექტების სიმძიმე ან გაჩნდა გვერდითი ეფექტები, რომლებიც არ არის ჩამოთვლილი ამ ჩანართში, გთხოვთ, შეატყობინოთ ამის შესახებ ექიმს ან ფარმაცევტს.
შინაარსი:
1. რა არის ბისოპროლოლი ლეკი და რისთვის გამოიყენება იგი
2. ბისოპროლოლი ლეკის გამოყენების წინ
3. როგორ უნდა მიღებულ იქნას ბისოპროლოლი ლეკი
4. შესაძლო გვერდითი ეფექტები
5. შენახვის პირობები
ბისოპროლოლი ლეკი® 5 მგ
ბისოპროლოლი ლეკი® 10 მგ
აპკიანი გარსით დაფარული ტაბლეტები
Bisoprolol
შემადგენლობა
5 მგ: ერთი ტაბლეტი შეიცავს 5 მგ ბისოპროლოლის ფუმარატს.
10 მგ: ერთი ტაბლეტი შეიცავს 10 მგ ბისოპროლოლის ფუმარატს.
დამხმარე ნივთიერებები: კალციუმის ჰიდროფოსფატი (უწყლო), მიკროკრისტალური ცელულოზა, წინასწარ ჟელატინიზირებული სიმინდის სახამებელი, ნატრიუმის კროსკარმელოზა, სილიციუმის კოლოიდური უწყლო დიოქსიდი, მაგნიუმის სტეარატი, ლაქტოზის მონოჰიდრატი, ჰიპრომელოზა, ტიტანის დიოქსიდი, E 171, მაკროგოლი 4000;
რკინის ოქსიდი, E 172.
შეფუთვის შიგთავსი
ბლისტერში, 30 ტაბლეტი მუყაოს კოლოფში.
სარეგისტრაციო მოწმობის მფლობელი
ლეკ დ.დ., ვეროვშკოვის 57, ლუბლიანა, სლოვენია.
აწარმოებს
სალუტას ფარმა გმბჰ, ბარლებენ, გერმანია.
1. რა არის ბისოპროლოლი ლეკი® და რისთვის გამოიყენება იგი
ფარმაკოთერაპიული ჯგუფი: სელექტიური β1-ადრენობლოკატორები.
ათქ-კოდი: C07AB07.
ბისოპროლოლი წარმოადგენს ბეტა-ბლოკატორს ზომიერი ლიპოფილურობით/ ჰიდროფილურობით. ბისოპროლოლს გააჩნია გამოხატული β1-სელექციურობა (“კარდიოსელექციურობა”) შიდა სიმპატომიმეტური აქტივობისა და კლინიკურად მნიშვნელოვანი მემბრანის მასტაბილიზებელი მოქმედების გარეშე.
იგი იცავს გულს გადატვირთვისგან.
გამოყენების ჩვენებები
− არტერიული ჰიპერტენზიის მკურნალობა;
− გულის იშემიური დაავადების (სტენოკარდიის) მკურნალობა;
− გულის ქრონიკული კომპენსირებული გულის უკმარისობის მკურნალობა;
− ჰიპერკინეტიკური კარდიალური სინდრომის მკურნალობა;
− პარკუჭოვანი ექსტრასისტოლიის მკურნალობა.
2. ბისოპროლოლ ლეკის მიღების წინ
უკუჩვენებები
− ბისოპროლოლის ან პრეპარატის დამხმარე ნივთიერებების მიმართ ჰიპერმგრძნობელობა;
− გულის მწვავე უკმარისობა ან გულის უკმარისობის დეკომპენსაციის ეპიზოდები, რომელთა დროსაც საჭიროა ინოტროპული საშუალებების ინტრავენური შეყვანა;
− კარდიოგენული შოკი;
− მეორე ან მესამე ხარისხის ატრიოვენტრიკულური ბლოკადა;
− სინუსური კვანძის სისუსტის სინდრომი;
− სინოატრიული ბლოკადა;
− სიმპტომური ბრადიკარდია;
− სიმპტომური არტერიული ჰიპოტენზია;
− ბრონქული ასთმის ან ფილტვის ქრონიკული ობსტრუქციული დაავადების მძიმე ფორმა;
− პერიფერიული არტერიების მაობლიტირებელი დაავადებების მძიმე ფორმები ან რეინოს სინდრომის მძიმე ფორმები;
− არანამკურნალები ფეოქრომოციტომა (იხ. “განსაკუთრებული გაფრთხილებები და სიფრთხილის ზომები გამოყენების დროს”);
− მეტაბოლური აციდოზი.
განსაკუთრებული მითითებები და სიფრთხილის ზომები გამოყენების დროს
გაფრთხილებები
ყველა ჩვენების მიხედვით გამოყენების დროს
თუ ბისოპროლოლით მკურნალობის შეჩერების აბსოლუტური საჭიროება არ არსებობს, პრეპარატის მოხსნა არ უნდა იყოს მკვეთრი, განსაკუთრებით გულის იშემიური დაავადების მქონე პაციენტებში, რადგან მიღების მკვეთრმა შეწყვეტამ შესაძლოა გამოიწვიოს გულის ფუნქციის წარმავალი გაუარესება.
მხოლოდ გულის ქრონიკული უკმარისობის მკურნალობისთვის გამოყენების დროს
ბისოპროლოლით კომპენსირებული გულის ქრონიკული უკმარისობის მკურნალობა უნდა იწყებოდეს დოზის ტიტრირების ფაზიდან.
სიფრთხილის ზომები
მხოლოდ არტერიული ჰიპერტენზიის ან სტენოკარდიის მკურნალობისთვის გამოყენების დროს
არტერიული ჰიპერტენზიის ან სტენოკარდიის და თანმხლები გულის უკმარისობის მქონე პაციენტებში ბისოპროლოლი უნდა გამოყენებულ იქნას სიფრთხილით.
მხოლოდ გულის ქრონიკული უკმარისობის მკურნალობისთვის გამოყენების დროს
კომპენსირებული ქრონიკული გულის უკმარისობის ბისოპროლოლით თერაპიის დასაწყისში და შეწყვეტისას საჭიროა პაციენტის მდგომარეობის რეგულარული კონტროლი.
შემდეგი დაავადებებისა და მდგომარეობების მქონე პაციენტებში გულის უკმარისობის ბისოპროლოლით მკურნალობის თერაპიული გამოცდილება არ არსებობს:
− ინსულინდამოკიდებული შაქრიანი დიაბეტი (ტიპი I);
− თირკმლების ფუნქციის მძიმე დარღვევები;
− ღვიძლის ფუნქციის მძიმე დარღვევები;
− რესტრიქციული კარდიომიოპათია;
− გულის თანდაყოლილი მანკი;
− ჰემოდინამიურად მნიშვნელოვანი სარქველების ორგანული დაზიანება;
− მიოკარდიუმის ინფარქტი ბოლო სამი თვის განმავლობაში.
ყველა ჩვენების მიხედვით გამოყენების დროს
ბისოპროლოლი ლეკი უნდა გამოყენებულ იქნას სიფრთხილით შემდეგი მდგომარეობების დროს:
− ბრონქოსპაზმი (ბრონქული ასთმა, ფილტვების ობსტრუქციული დაავადებები);
− შაქრიანი დიაბეტი სისხლში გლუკოზის დონის მერყეობით. ჰიპოგლიკემიის სიმპტომები შესაძლოა შენიღბული იყოს;
− მკაცრი შიმშილობა;
− დესენსიბილიზაციის თერაპიის ჩატარება. სხვა ბეტა-ბლოკატორების მსგავსად, ბისოპროლოლს შეუძლია ალერგენების მიმართ მგრძნობელობისა და ანაფილაქსიური რეაქციების სიმძიმის მომატება. ადრენალინის გამოყენება ყოველთვის არ ახდენს მოსალოდნელ თერაპიულ ზემოქმედებას;
− პირველი ხარისხის ატრიოვენტრიკულური ბლოკადა;
− პრინცმეტალის სტენოკარდია;
− პერიფერიული არტერიების მაობლიტირებელი დაავადებები. შესაძლებელია სიმპტომების გაუარესება, განსაკუთრებით თერაპიის დასაწყისში.
იმ პაციენტებში, რომლებსაც ფსორიაზი აწუხებთ ან რომლებსაც ანამნეზში აქვთ ფსორიაზი, ბეტა-ბლოკატორები (კერძოდ, ბისოპროლოლი) უნდა დანიშნულ იქნას მხოლოდ სარგებლისა და რისკის გულმოდგინე შეფასების შემდეგ.
ბისოპროლოლ ლეკით მკურნალობამ შესაძლოა შენიღბოს თირეოტოქსიკოზის სიმპტომები.
ფეოქრომოციტომის მქონე პაციენტებისთვის ბისოპროლოლ ლეკი დასაშვებია დანიშნულ იქნას მხოლოდ ალფა-ადრენორეცეპტორების ბლოკადის უზრუნველყოფის შემდეგ.
ზოგად ანესთეზიის ჩატარების დროს ანესთეზიოლოგს უნდა აცნობონ ბეტა-ადრენორეცეპტორების ბლოკადის შესახებ. თუ ოპერაციამდე არსებობს ბეტა-ბლოკატორების მოხსნის აუცილებლობა, პრეპარატის მიღება უნდა შეწყვეტილ იქნას თანდათან და დასრულდეს ანესთეზიამდე დაახლოებით 48 საათით ადრე.
ბრონქული ასთმისა და ფილტვის სხვა ქრონიკული ობსტრუქციული დაავადებების დროს შესაძლო კლინიკური გამოვლინებებით რეკომენდირებულია თანმხლები ბრონქოდილატაციური თერაპია. ზოგჯერ ასთმის მქონე პაციენტებში შეიძლება გაჩნდეს სასუნთქი გზების წინააღმდეგობა, ამიტომ შესაძლოა საჭირო გახდეს β2-სტიმულატორების დოზის გაზრდა.
სპორტსმენები გაფრთხილებულ უნდა იქნან იმის შესახებ, რომ მოცემული პრეპარატი შესაძლოა დადებითი შედეგების მომცემი იყოს დოპინგ-ტესტის ჩატარების დროს.
თუ ზემოთ ჩამოთვლილიდან რაიმე გეხებათ ან გეხებოდათ თქვენს წარსულში, პრეპარატის მიღებამდე გაიარეთ ექიმთან კონსულტაცია.
სამკურნალწამლო და სხვა ურთიერთქმედებები
ბისოპროლოლმა შესაძლოა ზეგავლენა მოახდინოს სხვა წამლების მიღებაზე და პირიქით:
კომბინაციები, რომლებიც არ არის რეკომენდირებული:
მხოლოდ გულის ქრონიკული უკმარისობის მკურნალობისთვის გამოყენების დროს
I კლასის ანტიარითმული საშუალებები: შესაძლებელია ატრიოვენტრიკულური გატარების დროზე ზემოქმედების გაძლიერება და უარყოფითი ინოტროპული მოქმედების გაძლიერება.
ყველა ჩვენების მიხედვით გამოყენების დროს
კალციუმის ანტაგონისტები ვერაპამილის და, ნაკლები ხარისხით, დილთიაზემის რიგიდან: შეკუმშვის უნარზე და ატრიოვენტრიკულურ გამტარობაზე უარყოფითი ზემოქმედება. ვერაპამილის ინტრავენური შეყვანა პაციენტებისთვის, რომლებიც მკურნალობას იღებენ ბეტა-ბლოკატორებით, შესაძლოა გამოიწვიოს მძიმე ჰიპოტენზია და ატრიოვენტრიკულური ბლოკადა.
ცენტრალური მოქმედების ანტიჰიპერტენზიული საშუალებები: მათმა ერთდროულმა გამოყენებამ შეიძლება გამოიწვიოს გულის შეკუმშვის სიხშირისა და გულის განდევნის ფრაქციის დაქვეითება და, ასევე ვაზოდილატაცია. პრეპარატის მკვეთრმა მოხსნამ შესაძლოა გაზარდოს „რიკოშეტული არტერიული ჰიპერტენზიის” რისკი.
კომბინაციები, რომლებიც უნდა გამოყენებულ იქნას სიფრთხილით
მხოლოდ არტერიული ჰიპერტენზიის ან სტენოკარდიის მკურნალობისთვის გამოყენების დროს
I კლასის ანტიარითმული საშუალებები: შესაძლებელია ატრიოვენტრიკულური გატარების დროზე ზემოქმედების გაძლიერება და უარყოფითი ინოტროპული მოქმედების გაძლიერება.
ყველა ჩვენების მიხედვით გამოყენების დროს
დიჰიდროპირიდინის რიგის კალციუმის ანტაგონისტები: ერთდროულმა გამოყენებამ შეიძლება გაზარდოს არტერიული ჰიპოტენზიის რისკი, გულის უკმარისობის მქონე პაციენტებში კი არ არის გამორიცხული პარკუჭების ტუმბოს ფუნქციის შემდგომი გაუარესების რისკი.
III კლასის ანტიარითმული საშუალებები: შესაძლებელია ატრიოვენტრიკულური გატარების დროზე ზემოქმედების გაძლიერება.
პარასიმპატომიმეტური საშუალებები: ერთდროულმა გამოყენებამ შესაძლოა გამოიწვიოს ატრიოვენტრიკულური გატარების დროის ზრდა და ბრადიკარდიის რისკი.
ადგილობრივმა ბეტა-ბლოკატორებმა (მაგალითად, თვალის წვეთები გლაუკომის მკურნალობისთვის) შესაძლოა გაზარდონ ბისოპროლოლის სისტემური მოქმედება.
ინსულინი და პერორალური დიაბეტის საწინააღმდეგო საშუალებები: ჰიპოგლიკემიური ეფექტის გაძლიერება. ბეტა-ადრენორეცეპტორების ბლოკადა შესაძლოა ჰიპოგლიკემიის სიმპტომების შენიღბვას ახდენდეს.
საანესთეზიო საშუალებები: რეფლექტორული ტაქიკარდიის შესუსტება და არტერიული ჰიპოტენზიის რისკის მომატება.
საგულე გლიკოზიდები: ატრიოვენტრიკულური გატარების დროის გაზრდა, გულის შეკუმშვათა სიხშირის დაქვეითება.
არასტეროიდული ანთების საწინააღმდეგო საშუალებები (აასს): შეუძლია ბისოპროლოლის ჰიპოტენზიური ეფექტის დაქვეითება.
ბეტა-სიმპატომიმეტური საშუალებები: ბისოპროლოლთან ერთდროულმა გამოყენებამ შესაძლოა შეამციროს ორივე პრეპარატის ეფექტი.
სიმპატომიმეტური საშუალებები, რომლებიც ახდენენ, როგორც ბეტა-, ასევე ალფა-ადრენორეცეპტორების აქტივაციას: ბისოპროლოლთან კომბინაციამ შეიძლება გამოიწვიოს არტერიული წნევის მომატება.
ანტიჰიპერტენზიულ საშუალებებთან და არტერიული წნევის დაწევის პოტენციალის მქონე სხვა პრეპარატებთან თანმხლებმა გამოყენებამ, შესაძლოა გაზარდოს არტერიული ჰიპოტენზიის რისკი.
კომბინაციები, რომლებიც გამოყენების მიზანშეწონილობის შეფასებას მოითხოვს
მეფლოხინი: ბრადიკარდიის რისკის მომატება.
მონოამინოოქსიდაზის ინჰიბიტორები (МАО-В ინჰიბიტორების გარდა): ბეტა-ბლოკატორების ჰიპოტენზიური ეფექტის გაძლიერება ჰიპერტონული კრიზის რისკის ერთდროული მომატების დროს.
თუ თქვენ იღებთ ან ცოტა ხნის წინ იღებდით რომელიმე სხვა წამლებს, ურეცეპტოს ჩათვლით, გთხოვთ, შეატყობინეთ ამის შესახებ ექიმს ან ფარმაცევტს.
საკვები და სასმელები
ალკოჰოლს შეუძლია ბისოპროლოლ ლეკის მოქმედებაზე ზეგავლენა.
ორსულობა და ძუძუთი კვება
ორსულობა
მოცემულმა პრეპარატმა შესაძლოა ორსულობაზე და (ან) ნაყოფზე/ახალშობილზე ნეგატიურად იმოქმედოს. არ შეიძლება ორსულობის დროს მისი გამოყენება ექიმთან წინასწარი კონსულტაციის გარეშე.
ძუძუთი კვება
ბისოპროლოლ ლეკით მკურნალობის დროს ძუძუთი კვება არ არის რეკომენდირებული.
ნებისმიერი წამლის მიღებამდე იკითხეთ ექიმის ან ფარმაცევტის რჩევა.
სატრანსპორტო საშუალებების მართვისა და მექანიზმებთან მუშაობის უნარზე ზეგავლენა
მოცემული პრეპარატის მიღებამ შესაძლოა უარყოფითი ზეგავლენა მოახდინოს სატრანსპორტო საშუალებების მართვისა და მექანიზმებთან მუშაობის უნარზე, განსაკუთრებით მკურნალობის დასაწყისში, დოზის მომატების დროს, თერაპიის ცვლილებისას და ალკოჰოლის თანხლებით.
ინფორმაცია ზოგიერთი დამხმარე ნივთიერების შესახებ
პრეპარატი შეიცავს ლაქტოზის მონოჰიდრატს. რომელიმე შაქრის აუტანლობის შემთხვევაში პრეპარატის მიღებამდე გაიარეთ ექიმის კონსულტაცია.
3. როგორ უნდა მიღებულ იქნას ბისოპროლოლ ლეკი
ზუსტად დაიცავით ექიმის მითითებები.
პრეპარატის მოქმედება ხანგრძლივია: დღე-ღამეში ერთხელ გამოყენების დროს მიიღწევა 24 საათიანი ეფექტი.
დოზა და გამოყენების წესი
არტერიული ჰიპერტენზიის ან სტენოკარდიის მკურნალობა
მოზრდილები
ორივე ჩვენების დროს ინიშნება 5 მგ ბისოპროლოლი დღე-ღამეში ერთხელ. საჭიროებისას დოზა შეიძლება გაზრდილ იქნას 10 მგ-მდე დღე-ღამეში ერთხელ.
მაქსიმალური რეკომენდირებული დოზა შეადგენს 20 მგ დღე-ღამეში ერთხელ.
ყველა შემთხვევაში დოზის შერჩევა ხდება ინდივიდუალურად, კერძოდ, პულსის სიხშირისა და თერაპიული ეფექტიანობის გათვალისწინებით.
გულის კომპენსირებული ქრონიკული უკმარისობის მკურნალობა
ბისოპროლოლით მკურნალობის დაწყებამდე პაციენტის მდგომარეობა უნდა იყოს სტაბილური (მწვავე უკმარისობის გარეშე).
თერაპიის ჩატარება რეკომენდირებულია ქრონიკული გულის უკმარისობის მკურნალობის გამოცდილების მქონე მკურნალი ექიმის მიერ.
დოზის ტიტრირების ფაზა
კომპენსირებული ქრონიკული გულის უკმარისობის მკურნალობა ბისოპროლოლით ითხოვს დოზის ტიტრირების ფაზას.
რეკომენდირებული საწყისი დოზა შეადგენს 1,25 მგ ბისოპროლოლს დღე-ღამეში ერთხელ. ინდივიდუალურ ამტანიანობაზე დამოკიდებულებით დოზა იზრდება 2,5 მგ-მდე, 3,75 მგ-მდე, 5 მგ-მდე, 7,5 მგ-მდე და 10 მგ-მდე დღე-ღამეში ერთხელ ორკვირიანი ან უფრო ხანგრძლივი ინტერვალებით.
თუ დოზის მომატება ცუდად აიტანება, მხარდამჭერი დოზა შეიძლება ნაკლები იყოს.
მაქსიმალური რეკომენდირებული დოზა შეადგენს 10 მგ ერთხელ დღე-ღამეში.
დოზის გაზრდის დროს რეკომენდირებულია სასიცოცხლო მაჩვენებლებისა (გულის შეკუმშვების სიხშირის, არტერიული წნევის) და გულის უკმარისობის გაუარესების სიმპტომების გულმოდგინე კონტროლი.
თერაპიის მოდიფიკაცია
თუ მაქსიმალური რეკომენდირებული დოზა ცუდად აიტანება, შესაძლებელია დოზის თანდათანობითი დაქვეითების განხილვა.
გულის უკმარისობის, არტერიული ჰიპოტენზიის ან ბრადიკარდიის წარმავალი გაუარესების დროს რეკომენდირებულია თანმხლები სამკურნალო პრეპარატების დოზის გადახედვა. ასევე შესაძლოა საჭირო გახდეს ბისოპროლოლის დოზის დროებითი დაქვეითება ან მისი მოხსნა.
პაციენტის მდგომარეობის სტაბილიზაციის შემდეგ ყოველთვის უნდა განიხილოს ბისოპროლოლით მკურნალობის განახლების და (ან) მისი დოზის მომატების მიზანშეწონილობა.
ყველა ჩვენების მიხედვით მკურნალობის ხანგრძლივობა
ბისოპროლოლით მკურნალობა, როგორც წესი, ხანგრძლივია.
ბისოპროლოლით მკურნალობის მკვეთრი მოხსნა დაუშვებელია, რადგან შესაძლებელია მდგომარეობის წარმავალი გაუარესება. მკურნალობა არ უნდა შეწყვეტილ იქნას უეცრად, განსაკუთრებით გულის იშემიური დაავადების მქონე პაციენტებში. რეკომენდირებულია სადღეღამისო დოზის თანდათანობითი დაქვეითება.
პაციენტების განსაკუთრებული ჯგუფები
თირკმლების ან ღვიძლის ფუნქციების დარღვევის მქონე პაციენტები
მხოლოდ არტერიული ჰიპერტენზიის ან სტენოკარდიის მკურნალობისთვის გამოყენების დროს
პაციენტებს ღვიძლის ან თირკმლების ფუნქციის მსუბუქი და ზომიერი დარღვევებით, როგორც წესი, დოზის კორექცია არ სჭირდება. თირკმლების (კრეატინინის კლირენსი იმ პაციენტებში, რომლებიც გადიან თირკმლის დიალიზს, ბისოპროლოლის გამოყენების გამოცდილება შეზღუდულია; თუმცა დოზირების რეჟიმის ცვლილების საჭიროების მოწმობები არ არსებობს.
მხოლოდ გულის ქრონიკული უკმარისობის მკურნალობისთვის გამოყენების დროს
ქრონიკული გულის უკმარისობისა და ღვიძლის ან თირკმლის ფუნქციის დარღვევის მქონე პაციენტებში ბისოპროლოლის ფარმაკოკინეტიკის შესახებ ინფორმაცია არ არსებობს. ამიტომ დოზის ტიტრირება პაციენტების ამ ჯგუფში უნდა ჩატარებულ იქნას განსაკუთრებული სიფრთხილით.
ხანდაზმული ასაკის პაციენტები
დოზის კორექცია არ არის საჭირო.
ბავშვები
ბავშვებში ბისოპროლოლის გამოყენების გამოცდილება არ არსებობს, ამიტომ მისი გამოყენება ამ ასაკობრივ ჯგუფში არ არის რეკომენდირებული.
გამოყენების წესი
შიგნით მისაღებად. პრეპარატს იღებენ დილით საკვების მიღებისგან დამოუკიდებლად. ტაბლეტები გადაიყლაპოს მთლიანად წყლის დაყოლებით. ტაბლეტების დაღეჭვა არ შეიძლება.
ტაბლეტის გატეხვა
იმისთვის, რომ გატეხოთ ტაბლეტი, მოათავსეთ ის ბრტყელ ზედაპირზე ნაჭდევით ზემოთ. ბისოპროლოლი ლეკი 5 მგ და 10 მგ: ნახევრებად გატეხვისთვის დააჭირეთ დიდი თითით ტაბლეტის ცენტრს. ტაბლეტის ოთხი ნაწილის მიღებისთვის დიდი თითით დააჭირეთ თითოეული ნახევრის ცენტრს.
მიღების გამოტოვება
მიღების გამოტოვებისას არ მიიღოთ ორმაგი დოზა გამოტოვებულის საკომპენსაციოდ. გააგრძელეთ მიღება დოზირების ჩვეულებრივი რეჟიმის შესაბამისად.
ჭარბი დოზირება
15 მგ სადღეღამისო დოზის 7,5 მგ სანაცვლოდ მიღებისას აღინიშნებოდა მესამე ხარისხის ატრიოვენტრიკულური ბლოკადა, გულის ცემის დაქვეითება და თავბრუსხვევა. მთლიანობაში, შესაძლებელია შემდეგი სიმპტომები: გულის ცემის დაქვეითება, დაქვეითებული არტერიული წნევა, ბრონქოსპაზმები, გულის მწვავე უკმარისობა და სისხლში გლუკოზის შემცველობის შემცირება.
ბისოპროლოლის მაღალი დოზების ერთჯერადი მიღებისადმი აღინიშნება ინდივიდთაშორისი მგრძნობელიბის დიდი ცვალებადობა. ამასთან დაკავშირებით ამ კატეგორიის პაციენტებში თერაპიის დაწყება აუცილებელია დოზის თანდათანობითი მომატების გზით დოზირების შესახებ ნაწილში წარმოდგენილი სქემის შესაბამისად.
ჭარბი დოზირებისას რეკომენდირებულია ბისოპროლოლით მკურნალობის შეჩერება და მხარდამჭერი და სიმპტომური თერაპიის დანიშვნა. ბისოპროლოლი ძნელად გამოიყოფა დიალიზის მეშვეობით. ბრადიკარდიის დროს რეკომენდირებულია ატროპინის დანიშვნა ინტრავენურად, ხოლო არასაკმარისი რეაქციის შემთხვევაში, სიფრთხილით იქნას დანიშნული იზოპრენალინი ან დადებითი ქრონოტროპული ეფექტის მქონე სხვა საშუალება. ზოგიერთი გარემოებებისას შესაძლოა საჭირო გახდეს რითმის მმართველის ტრანსვენური იმპლანტაცია. ჰიპოტენზიის დროს რეკომენდირებულია სითხისა და სისხლძარღვთა შემავიწროებელი საშუალებების ინტრავენური შეყვანა, ჰლუკაგონის ინტრავენური შეყვანა შესაძლოა სასარგებლო აღმოჩნდეს. მეორე ან მესამე ხარისხის ავ-ბლოკადის დროს საჭიროა პაციენტის მდგომარეობის გულმოდგინე კონტროლი და იზოპრენალინის ინფუზია ან დროებითი კარდიოსტიმულაცია. გულის უკმარისობის გამწვავების დროს ინტრავენურად ინიშნება დიურეზული საშუალებები, ინოტროპული საშუალებები და ვაზოდილატატორები, ბრონქოსპაზმის დროს – იზოპრენალინი, ბეტა2-ადრენორეცეპტორებზე მოქმედი სიმპატომიმეტიკები, და (ან) ამინოფილინი, ჰიპოგლიკემიის დროს – გლუკოზის ინტრავენური შეყვანა.
4. შესაძლო გვერდითი ეფექტები
ყველა სამკურნალო საშუალების მსგავსად, ბისოპროლოლ ლეკს შეუძლია გვერდითი ეფექტების გამოწვევა, თუმცა ისინი ყველას არ უვითარდება.
გვერდითი ეფექტების სიხშირე შემდეგნაირად განისაზღვრება:
- o ძალიან ხშირი (უჩნდება 10 პაციენტიდან ერთზე მეტს, >1/10);
- o ხშირი (უჩნდება 100 პაციენტიდან ერთზე მეტს და არანაკლებ ერთს 10 პაციენტიდან, >1/100,
- o არახშირი (უჩნდება 1 000 პაციენტიდან ერთზე მეტს და არანაკლებ ერთს 100 პაციენტიდან, >1/1 000,
- o იშვიათი (უჩნდება 10 000 პაციენტიდან ერთზე მეტს და არანაკლებ ერთს 1 000 პაციენტიდან, >1/10 000,
- o ძალიან იშვიათი (უჩნდება 10 000 პაციენტიდან ერთზე ნაკლებს,
ლაბორატორიული ანალიზები
იშვიათი: ტრიგლიცერიდების დონის მომატება, ღვიძლის ფერმენტების დონის მომატება (ალანინამინოტრანსფერაზა, ასპარტატამინოტრანსფერაზა).
დარღვევები გულის მხრივ
ძალიან ხშირი: ბრადიკარდია (გულის ქრონიკული უკმარისობის მქონე პაციენტებში).
ხშირი: არსებული გულის უკმარისობის გაუარესება (გულის ქრონიკული უკმარისობის მქონე პაციენტებში).
არახშირი: ატრიოვენტრიკულური გამტარობის დარღვევები; არსებული გულის უკმარისობის გაუარესება (არტერიული ჰიპერტენზიის ან სტენოკარდიის მქონე პაციენტებში); ბრადიკარდია (არტერიული ჰიპერტენზიის ან სტენოკარდიის მქონე პაციენტებში).
დარღვევები ნერვული სისტემის მხრივ
ხშირი: თავბრუსხვევა*, თავის ტკივილი*.
იშვიათი: გულის წასვლა.
დარღვევები მხედველობის ორგანოს მხრივ
იშვიათი: ცრემლის გამოყოფის დაქვეითება
ძალიან იშვიათი: კონიუნქტივიტი.
დარღვევები სმენის ორგანოსა და ლაბირინთის მხრივ
იშვიათი: სმენის დარღვევა.
დარღვევები სასუნთქი, გულმკერდისა და შუასაყრის ორგანოების მხრივ
არახშირი: ბრონქოსპაზმი ბრონქული ასთმის ან ანამნეზში ფილტვის ქრონიკული ობსტრუქციული დაავადების მქონე პაციენტებში.
იშვიათი: ალერგიული რინიტი.
დარღვევები კუჭ-ნაწლავის ტრაქტის მხრივ
ხშირი: ჩივილები კუჭ-ნაწლავის ტრაქტის მხრივ, ისეთი, როგორიცაა გულისრევა, ღებინება, დიარეა, ყაბზობა.
დარღვევები კანისა და კანქვეშა ქსოვილების მხრივ
იშვიათი: მომატებული მგრძნობელობის რეაქციები, ისეთი, როგორიცაა ქავილი, სიცხის შეგრძნება, გამონაყარი.
ძალიან იშვიათი: ალოპეცია. ბეტა-ბლოკატორებს შეუძლიათ ფსორიაზის განვითარების ან გამწვავების პროვოცირება, ან გამოიწვიოს ფსორიაზის მსგავსი გამონაყარის გაჩენა.
დარღვევები ძვალ-კუნთოვანი სისტემისა და შემაერთებელი ქსოვილების მხრივ
არახშირი: კუნთების სისუტე, კუნთების სპაზმები.
დარღვევები სისხლძარღვთა სისტემის მხრივ
ხშირი: სიცივის შეგრძნება ან კიდურების დაბუჟება, არტერიული ჰიპოტენზია.
იშვიათი: ორთოსტატული ჰიპოტენზია.
სისტემური დარღვევები
ხშირი: ასთენია (გულის ქრონიკული უკმარისობის მქონე პაციენტებში),
დაღლილობა*.
არახშირი: ასთენია (არტერიული ჰიპერტენზიის ან სტენოკარდიის მქონე პაციენტებში).
დარღვევები ღვიძლისა და ნაღვლის გამომყოფი გზების მხრივ
იშვიათი: ჰეპატიტი.
დარღვევები რეპროდუქციული სისტემისა და სარძევე ჯირკვლების მხრივ
იშვიათი: პოტენციის დარღვევები.
ფსიქიკური დარღვევები
არახშირი: დეპრესია, ძილის დარღვევები.
მხოლოდ არტერიული ჰიპერტენზიის ან სტენოკარდიის მკურნალობისთვის გამოყენების დროს
* ეს სიმპტომები განსაკუთრებით დამახასიათებელია მკურნალობის დასაწყისში. როგორც წესი, ისინი სუსტად არიან გამოხატულნი და ჩვეულებრივ 1-2 კვირაში ქრებიან.
თუ შეიცვალა გვერდითი ეფექტების სიმძიმე ან გაჩნდა გვერდითი ეფექტები, რომლებიც არ არის ჩამოთვლილი ამ ჩანართში, გთხოვთ, შეატყობინეთ ამის შესახებ ექიმს ან ფარმაცევტს.
5. შენახვის პირობები
ინახება ბავშვებისთვის მიუწვდომელ ადგილას.
ინახება არაუმეტეს 25 C ტემპერატურაზე.
ვარგისიანობის ვადა: 5 წელი.
ვარგისიანობის ვადის გასვლის თარიღი აღნიშნულია შეფუთვაზე.
არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.
არ გადაყაროთ სამკურნალო საშუალებები კანალიზაციაში ან საყოფაცხოვრებო ნაგავში. იკითხეთ აფთიაქში, თუ როგორ შეიძლება ზედმეტი წამლების მოშორება. ამ ზომებს შეუძლია გარემოს დაცვაში დახმარების გაწევა.
გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.
