ეგილოკ® რეტარდი – EGIOLOK® RETARD – ЭГИЛОК® РЕТАРД

*სინუსური კვანძის ფუნქციის დარღვევა და/ან გულში აგზნების გატარების დარღვევა (სინუსური კვანძის სინუსუტის სინდრომი, II ან III ხარისხი ატრიოვენტრიკულური ბლოკადა);

*გულის პროგრესირებადი (დეკომპენსირებული) უკმარისობა.

*კარდიოგენული შოკი;

*გამოხატული არტერიული ჰიპოტენზია (სისტოლიური აწ სინდიყის 100 მმ-ზე ნაკლები);

*გულის რითმის გამოხატული შენელება (გულის შეკუმშვების სიხშირე წუთში 50 დარტყმაზე ნაკლები);

*კიდურების არტერიული სისხლის მიმოქცევის მძიმე დარღვევა;

*ვერაპამილის ი/ვენური ინექციასთან კომბინირება;

*დეპრესიისა და პარკინსონიზმის სამკურნალო მაოს- ინჰიბიტორების ჯგუფის საშუალებებთან ერთად (მაგალითად, ნიალამიდი, მოკლობემიდი, დეპრენილი);

*ლაქტაციის პერიოდი.

ორსულობა და ლაქტაცია:

ორსულობის პერიოდში პრეპარატის ადამიანის მიერ გამოყენების უსაფრთხოების შესახებ საკმარისი მონაცემები არ არსებობს, ორსულ ქალებში პრეპარატის დანიშვნა საჭიროებს დედისათვის შესაძლო სარგებლისა და ნაყოფისათვის შესაძლო რისკის შეფარდების შეფასებით და შესაძლებელია მხოლოდ იმ შემთხვევებში, როდესაც პრეპარატის გამოყენებით მიღებული სარგებელი ამართლებს რისკს. თუ შესაძლებელია, მეტაპროლოლის გამოყენება უნდა შეწყდეს 2-3 დღით ადრე მშობიარობის სავარაუდო ვადამდე.

თუ პრეპარატის გამოყენება გარდაუვალია, აუცილებელია ნაყოფისა და ახალშობილის მდგომარეობის მეთვალყურეობა მშობიარობიდან პირველი 3-5 დღის განმავლობაში.

მიუხედავად იმისა, რომ მეტოპროლოდის ჩვეულებრივი დოზებით გამოყენებისას პრეპარატი დედის რძეში აღწევს მცირე რაოდენობით და ბავშვზე მისი მოქმედების ალბათობა მცირეა, ლაქტაცია უნდა შეწყდეს, ან სამკურნალოდ გამოყენებულ უნდა იქნას სხვა პრეპარატები, რომლებსაც ამგვარი შეზღუდვები არ გააჩნიათ.

განსაკუთრებული მითითებები:

*ეგილოკ რეტარდის გამოყენებისას საჭიროა გულის შეკუმშვათა სიხშირისა და არტერიული წნევის რგეულარული კონტროლი. ამ პრეპარატის გამოყენების დროს გულის შეკუმშვათა სიხშირის შემცირება ნორმალური მოვლენაა. მაგრამ თუ გულის შეკუმშვათა სიხშირე წუთში 55 დარტყმაზე მეტად შემცირდა, ან ეს ცუდ შეგრძნებებს იწვევს, აუცილებელია ექიმთან მიმართვა.

*პრეპარატის ეგილოკ რეტარდის გამოყენება განსაკუთრებულ სიფრთხილეს საჭიროებს ავადმყოფებში, რომლებსაც აწუხებთ ბრონქული ასთმა და ბრონქების ქრონიკული ობსტრუქციული დაავადებები (ფილტვების ემფიზემა, ქრონიკული ობსტრუქციული ბრონქიტი), პერიფერიული სისხლძარღვების ობლიტერირებადი დაავადებები (რეინოს სინდრომი, გრდამავალი სიკოჭლე), შაქრიანი დიაბეტი, გულის ქრონიკული უკმარისობა, მიასთენია, მეტაბოლური აციდოზის, ფეოქრომოციტომის, I ხარისხის ატრიოვენტრიკულური ბლოკადის, დეპრესიის (მ.შ. ადრე აღნიშნულის), ფსორიაზის, ღვიძლის და/ან თირკმლის უკმარისობის დროს.

ეგილოკ რეტარდით მკურნალობის დაწყებამდე ექიმს აუცილებლად უნდა ეცნობოს ჩამოთვლილი მდგომარეობების არსებობის შესახებ.

*მეტოპროლოლი ნაკლებად მოქმედებს ნახშირწყლების ცვლაზე, მაგრამ შეუძლია ჰიპოგლიკემიის სიმპტომების შენიღბვა. ამიტომ შაქრიანი დიაბეტით დაავადებულების ეგილოკ რეტარდით მკურნალობის დაწყებამდე უნდა მოხდეს სისხლში გლუკოზას რაოდენობის რეგულარული კონტროლი და საჭიროების შემთხვევაში ინსულინის ან შაქრის დამწევი ტაბლეტების დოზის დაზუსტება.

*მეტოპროლოლს შეუძლია ტაქიკარდიის შენიღბვა როგორც ფარისებრი ჯირკვლის მომატებული ფუნქციის გამოვლინება. ფეოქრომოციტომით დაავადებულთა მკურნალობისას უნდა მოხდეს მეტოპროლოლის კომბინირება ალფა-ადრენობლოკატორებთან.

*გულის უკმარისობით დაავადებულებში ეგილოკ რეტარდის დანიშვნა შესაძლებელია მხოლოდ კომპენსაციის სტადიის მიღწევის შემდეგ. მეტოპროლოლს შეუძლია არსებული ბრადიკარდიის გაძლიერება, ხოლო ძალიან იშვიათ შემთხვევებში – გააძლიეროს წინაგულ-პარკუჭოვანი გამტარობით ადრე არსებული ზომიერი დარღვევები. მეტოპროლოლს შეუძლია გააძლიეროს პერიფერიული არტერიული სისხლის მიმოქცევის დარღვევის სიმპტომები.

*მიუხედავად იმისა, რომ სუნთქვით ფუნქციაზე კარდიოსელექციური ბეტა-ადრენობლოკატორების ზემოქმედება სუსტია, ბრონქული ასთმით დაავადებულების მიერ მეტოპროლოლის გამოყენების აუცილებლობისას შესაძლოა საჭირო გახდეს ბეტა₂-ადრენომიმეტურების ტაბლეტებში ან აეროზოლის ფორმით ერთდროულად მიღება ან მათი დოზის გაზრდა.

*ბეტა-ადროენომიმეტურებით მკურნალობის ფონზე შესაძლებელია ცრემლში სითხის პროდუქციის შემცირება, რაც გასათვალისწინებელია კონტაქტური ლინზებით სარგებლობის შემთხვევაში.

* აუცილებელია ექიმთან მიმართვა, თუ ეგილოკ რეტარდის გამოყენების დროს გაძლიერდა გულის უკმარისობის სიმპტომები (სუნთქვის გაძნელება, წვივების შეშუპება), ან თუ სტენოკარდიის შეტევები გახშირდა და/ან გახანგრძლივდა, და ამ სიმპტომების აღმოფხვრა არ ხერხდება ჩვეულებრივი სამკურნალო საშუალებების გამოყენებით.

*აუცილებელია ექიმის ინფორმირება ეგილოკ რეტარდის გამოყენების თაობაზე ქირურგიულ ოპერაციამდე და ანესთეზიამდე. მ.შ. სტომატოლოგიური პროცედურების გაყუჩებამდე, მაგრამ მკურნალობის შეწყვეტა რეკომენდებული არ არის.

ასევე, ექიმს უნდა ეცნობოს ეგილოკ რეტარდის მიმართ ალერგიის შესახებ.

*პრეპარატი ეგილოკ რეტარდი შეიცავს საქაროზას (6 მგ საქაროზა თითოეულ 50 მგ ტაბლეტებში და 12 მგ საქაროზა თითოეულ 100 მგ ტაბლეტებში), რაც გასათვალისწინებელია ნივთიერებათა ცვლის დარღვევების მქონე ავადმყოფთა მკურნალობისას.

*არ შეიძლება პრეპარატის, ეგილოკ რეტარდის, გამოყენების უეცრად შეწყვეტა. პრეპარატის მოხსნა უნდა მოხდეს თანდათან, დოზების ნელ-ნელა შემცირებით 7-14 დღის განმავლობაში. მკვეთრმა მოხსნამ შეიძლება გააძლიეროს სტენოკარდიის სიმპტომები და გაზარდოს კორონარული დარღვევების რისკი, ხოლო პაციენტებში თირეოტოქსიკოზით – ტაქიკარდიისა და არითმის სიმპტომები.

*კლონიდინთან ერთად გამოყენებისას უნდა მოხდეს ჯერ მეტოპროლოლის მოხსნა, ხოლო შემდეგ (რამდენიმე დღეში) – კლონიდინის, ჯერ კლონიდინის მოხსნის შემთხვევაში, შეიძლება განვითარდეს ჰიპერტონიული კრიზი.

*არ შეიძლება პრეპარატის ეგილოკ რეტარდის გამოყენების თვითნებურად შეჩერება ან შეწყვეტა! პრეპარატის გამოყენების შეწყვეტა ან დოზის შემცირება უნდა მოხდეს ექიმის დანიშნულებთა და კონტროლით.

პაციენტთა განსაკუთრებული ჯგუფები:

ღვიძლის მძიმე დაავადებებისას ეგილოკ რეტარდით მკურნალობა მცირე დოზებით უნდა დაიწყოს.

ბავშვებისა და მოზარდების სამკურნალოდ ეგილოკ რეტარდის გამოყენება ნაჩვენები არ არის კლინიკური გამოცდილების არარსებობის გამო.

ზეგავლენა სატრანსპორტო საშუალებებისა და პოტენციურად საშიში მექანიზმების მართვის უნარზე: პრეპარატის მიღებაზე ინდივიდუალური რეაქციის მიხედვით მეტაპროლოლს შეუძლია თავბრუსხვევისა და დაღლილობის გამოწვევა. ამან შეიძლება უარყოფითად იმოქმედოს პაციენტის სატრანსპორტო საშუალებების მართვის უნარზე და უბედურ შემთხვევათა მაღალი რისკის სამუშაოთა შესრულებაზე, განსაკუთრებით მკურნალობის დასაწყისში და ერთდროულად ალკოჰოლის მიღებისას. ამიტომ პრეპარატის დოზა, რომლის დროსაც ნებადართულია ავტოტრანსპორტის მართვა და ავარიულ-საშიში სამუშაოს შესრულება, ინდივიდუალურად უნდა განისაზღვროს.

ეგილოკ რეტარდით მკურნალობის დროს სპირტიანი სასმელების გამოყენება არ შეიძლება. მათმა გამოყენებამ შეიძლება გამოიწვიოს არტერიული წნევის ძლიერი დაქვეითება.

ჭარბი დოზირება:

ეგილოკ რეტარდის ჭარბი დოზის მიღების შემთხვევაში აუცილებელი სასწრაფოდ ექიმთან ან უახლოეს საავადმყოფოში მიმართვა.

ჭარბი დოზის სიმპტომები: შეიძლება აღინიშნოს ჰიპოტენზია, სინუსური ბრადიკარდია, წინაგულ-პარკუჭოვანი ბლოკადა, გულის უკმარისობა, კარდიოგენული შოკი, ასისტოლია, ღებინება, გულისრევა, ბრონქოსპაზმი, ციანოზი, ჰიპოგლიკემია, გულყრა, კომა, ჭარბი დოზის სიმპტომები შეიძლება გაძლიერდეს ალკოჰოლის, სხვა ჰიპოტენზიური და ანტიარითმიული პრეპარატების, ბარბიტურატების ერთდროულად მიღებისას.

ჭარბი დოზის პირველი სიმპტომები ვლინდება 20 წუთში – 2 საათში პრეპარატის მიღებიდან.

ჭარბი დოზის მკურნალობა არტერიული წნევის მნიშვნელოვნად დაწევისას ავადმყოფი უნდა დაწვეს ზურგზე ფეხების შემაღლებულ მდგომარეობაში მოთავსებით. თუ პრეპარატი მიღებულია არც ისე დიდი ხნის წინ, მიზანშეწონილია კუჭის ამორეცხვა, აქტივირებული ნახშირისა და ოსმოტური საფაღარათე საშუალების მიღება. აუცილებელია სასიცოცხლო მნიშვნელობის ფუნქციების მონიტორირება და შენარჩუნება ინტენსიური თერაპიის განყოფილების პირობებში.

მძიმე ჰიპოტენზიის, ბრადიკარდიის და გულის უკმარისობის საშიშროების დროს უნდა მოხდეს დობუტამინის ვენაში შეყვანა 2-5 წთ ინტერვალით ან ინფუზიის გზით სასურველი ეფექტის მიღწევამდე. სელექციური ბეტა₁-აგონისტების არქონისას ვენაში შეიყვანება ატროპინი ან დოპამინი. სასურველი ეფექტის მიუღწევლობის შემთხვევაში შესაძლებელია სხვა ადრენომომიტურების გამოყენება. ბეტა-რეცეპტორების ბლოკადის ეფექტების შექცევადობის მისაღწევად სასარგებლოა გლუკაგონის შეყვანა დოზებში 1-10 მგ.

გამოხატული ბრადიკარდიის, ფარმაკოთერაპიის მიმართ მდგრადობის დროს შესაძლოა საჭირო გახდეს გულის რითმის ხელოვნური მატარებლის გამოყენება.

ბრონქოსპაზმის მოხსნა შეიძლება ვენაში სალბუტამოლის ან ტერბუტალინის შეყვანით. ანტიდოტების გამოყენება შეიძლება თერაპიულ დოზებზე მაღალ დოზებში. ჰემოდიალიზი ნაკლებეფექტურია.

სხვა წამლებთან ურთიერთქმედება:

ექიმს უნდა ეცნობოს გამოყენებული სხვა სამკურნალო საშუალებების შესახებ, ვინაიდან მათ შეუძლიათ ერთმანეთის ეფექტების შეცვლა.

ეგილოკ რეტარდის კომბინირება არ შეიძლება შემდეგ სამკურნალო საშუალებებთან:

*ვერაპამილის ვენაში შეყვანა – შესაძლოა გამოიწვიოს ასისტოლია;

*მაოს ინჰიბიტორები – შესაძლებელია ჰიპოტენზიური მოქმედების მნიშვნელოვნად გაძლიერება. ეგილოკ რეტარდისა და მაო-ს ინჰიბიტორების გამოყენებებს შორის შუალედი უნდა იყოს არანაკლებ 14 დღე.

საჭიროა სიფრთხილის დაცვა ეგილოკ რეტარდისა და შემდეგი სამკურნალო საშუალებების კომბინირების დროს:

*სხვა ჰიპოტეზიური და ანტიარითმიული საშუალებები (კალციუმის არხების ბლოკატორები, გუანეტიდინის ჯგუფის პრეპარატები, რეზერპინი, ალფა-მეთილდოფა, კლონიდინი და გუანფაცინი), ნიტრატები, პარასიმპათოთიმეტურები, ანგლიობლოკატორები, სხვა ბეტა-ადრენობლოკატორები (მ.შ. თვალის წვეთების სახით – თიმოლოლი, ბეტაქსოლოლი, ლევობუნოლოლი) – ჰიპოტენზიის, ბრადიკარდიის, ატრიოვენტრიკულური ბლოკადის რისკი;

*საგულე გლუკოზიდები – ბრადიკარდიის, მოქცევის დარღვევის რისკი;

*ცენტრალურ ნერვულ სისტემაზე მოქმედი ზოგიერთი პრეპარატი (საძილე, ტრანკვილიზატორები, ტრი- და ტეტრაციკლური ანტიდეპრესიულები, ნეიროლეფსიურები, ნარკოტიკული საშუალებები) – ჰიპოტენზიისა და გულის მუშაობის დათრგუნვის რისკი;

*ფერმენტების ინჰიბიტორები (მაგალითად ციმეტიდინი, ჰიდრალაზინი); სეროტონინის უკუდაჭერის შერჩევითი ინჰიბიტორები (მაგალითად, პარქსეტინი, ფლუოქსეტინი, სერტრალინი) – მეტოპროლოლის ეფექტების გაძლიერება;

*ანთების საწინააღმდეგო არასტეროიდული პრეპარატები (მაგალითად, დიკლოფენაკი, პიროქსიკამი, იბუპროფენი), ესტროგენები – შესაძლებელია ანტიჰიპერტენზიული ეფექტის შემცირება;

*ღვიძლის ფუნქციაზე მოქმედი პრეპარატები (მაგალითად, რიფამპიცინი და ბარბიტურატები) – მეტოპროლოლის ეფექტების შემცირება;

*ალფა- და ბეტა-სიმპათომიმეტურები (მ.შ. ბრონქების გამაფართოვებელი პრეპარატები, როგორებიცაა მაგალითად, ტერბუტალინი, სალბუტამოლი); ერგოტამინი, ანტიმადეპოლარიზებელი მიორელაქსიურები.

შენახვის პირობები და ვადა:

პრეპარატი ინახება არა უმეტეს 30⁰ Cტემპერატურაზე, ბავშვებისათვის მიუწვდომელ ადგილას.

ვარგისიანობის ვადა მითითებეულია შეფუთვაზე.

აფთიაქიდან გაცემის პირობები:

პრეპარატი გაიცემა ექიმის რეცეპტით.