საერთაშორისო დასახელება: CHOLITE SALICYLATE; CETALKONIUM CHLORIDE
მწარმოებელი: MUNDIPHARMA, გერმანია
მოქმედი ნივთიერება: ქოლინსალიცილატი+ცეტალკონიუმის ქლორიდი
კლინიკურ-ფარმაკოლოგიური ჯგუფი:
ტკივილგამაყუჩებელი და ანთების საწინააღმდეგო საშუალება.
შემადგენლობა და გამოშვების ფორმა:
გელი: ტუბში 8 გ
1 გ
ქოლინსალიცილატი ………… 87.1 მგ
ცეტალკონიუმის ქლორიდი …… 0.1 მგ
ფარმაკოლოგიუირ თვისებები:
მუნდიზალ გელში შემავალი ქოლინსალიცილატი სწრაფად შეიწოვება პირის ღრუს ლორწოვანი გარსიდან და უმოკლეს დროში ავლენს სასურველ ტკივილგამაყუჩებელ და ანთების საწინააღმდეგო ეფექტს. ტკივილის გაყუჩება აღინიშნება გელის წასმიდან 2-3 წუთის შემდეგ, ხოლო პრეპარატის მოქმედება გრძელდება 2-3 საათის განმავლობაში. მუნდიზალ გელი შეიცავს შაქარს და მას კარგად იტანს ლორწოვანი გარსი.
ჩვენებები:
- ტკივილები და ანთებითი პროცესები ჭრილობის ჩირქგროვებისა და დაზიანებების დროს პირისა და ცხვირ-ხახის არეში მოზრდილებსა და ბავშვებში (სტომატიტი, გინგივიტი, ალვეოლიტი, პროთეზირებით გამოწვეული დაზიანებები);
- კბილის ამოჭრისას.
მიღების წესი და დოზირება:
თუ პრეპარატი ექიმის მიერ არ არის დანიშნული, მაშინ გელი დაახლოებით 1 სმ სისქის წაისმება მტკივნეულ ადგილზე 3-4-ჯერ ჭამის და ძილის წინ.
ტუბი იხსნება იქ, სადაც საცობი ამოიხრახნება და გელი სუფთა თითით დაიტანება დაავადებულ ან მტკივნეულ ადგილზე და მსუბუქად შეიზილება.
გვერდითი მოვლენები:
მწვავე დაზიანებების შემთხვევაში მუნდიზალ გელის გამოყენების შემდეგ შესაძლებელია წვის შეგრძნება ხანმოკლე დროის განმავლობაში.
უკუჩვენებები:
მუნდიზალ გელი არ გამოიყენება სალიცილატებისადმი მაღალი მგრძნობელობის შემთხვევაში, ორსულობისა და ლაქტაციის პერიოდში პრეპარატი სიფრთხილით გამოიყენება.
განსაკუთრებული მითითებები:
ტკივილების გაგრძელებისას საჭიროა მკურნალ ექიმთან კონსულტაცია. გვერდითი მოვლენების პირველი სიმპტომების გამოვლენისთანავე, ან ორსულობისას საჭიროა მკურნალი ექიმის დაუყოვნებლივი ინფორმირება.
სხვა წამლებთან ურთიერთქმედება:
არ არის ცნობილი.
შენახვის პირობები:
პრეპარატი ინახება ბავშვებისგან დაცულ ადგილას.
ვარგისიანობის ვადა: 2 წელი.