ფარმაკოლოგიური თვისებები
ოქსიტოცინი წარმოადგენს სინთეზურ ნანოპეპტიდს, რომელიც ოქსიტოცინის იდენტურია. იგი ასტიმულირებს საშვილოსნოს გლუვ მუსკულატურას, ზრდის მიომეტრიუმის ტონუსსა და შეკუმშვის ძალას, ხელს უწყობს მიოეპითელიური უჯრედების შეკუმშვას, რომლებიც გარს აკრავს სარძევე ჯირკვლების ალვეოლებს (რაც აადვილებს რძის გადასვლას მსხვილ სადინარებსა და სარძევე სინუსებში).
ოქსიტოცინს გააჩნია სუსტი ვაზოპრესინის მაგვარი თვისება. პრეპარატის ვენაში სწრაფი ნაკადით შეყვანა აქვეითებს სისხლძარღვების გლუვი კუნთების ტონუსს, რაც იწვევს დროებით არტერიულ ჰიპოტონიას და რეფლექსურ ტაქიკარდიას.
ფარმაკოკინეტიკა
პლაზმიდან პრეპარატის ნახევრადგამოყოფის პერიოდი შეადგენს 3-5 წუთს.
ჩვენებები
მშობიარობის ინდუქციისათვის სამედიცინო ჩვენებების მიხედვით:
მშობიარობის აქტის სტიმულაცია;
– საკეისრო კვეთა;
– საშვილოსნოს ატონია და ატონიური სისხლდენა (პროფილაქტიკა და მკურნალობა);
– არასრული ან სეპტიური აბორტი;
– გინეკოლოგიური დაავადებები (დიაგნოზის დასმის შემდეგ).
დოზირების რეჟიმი
პრეპარატი შეყავთ კუნთებში. იმ შემთხვევაში როდესაც პრეპარატის მიღების ასეთი წესი არ იძლევა სასურველ შედეგს, მაშინ იგი შეყავთ ნელა ვენაში. იგი მიღება კუნთებში ან ვენაში დოზით 1-3 სე.
საკეისრო კვეთის დროს პრეპარატი შეჰყავთ საშვილოსნოს კუნთებში დოზით 5 სე.
გინეკოლოგიური ჩვენების დროს ოქსიტოცინი მიიღება ვენაში დოზით 5-10 სე.
გვერდითი მოვლენები
ტაქიკარდია, არტერიული ჰიპოტენზია, ბრონქოსპაზმი (ბრონქიალური ასთმით შეპყრობილ პაციენტებში).
უკუჩვენებები
* ნაყოფის დაბადებისათვის მექანიკური წინააღმდეგობა;
* სამშობიაროი მოქმედების არ არსებობა;
* პლაცენტის წინამდებარეობა;
* ვიწრო მენჯი.
ჭარბი დოზირება
ჭარბი დოზირების სიმპტომებს წარმოადგენს:
საშვილოსნოს ჰიპერსტიმულაცია, რაც იწვევს კონტრაქტურას ან ჩახევებს, მშობიარობის შემდეგ სისხლდენას, საშვილოსნოსა და პლაცენტურ ჰიპოპერფუზიას, ნაყოფის გულის სიხშირის შემცირებას, ჰიპოქსიას, ჰიპერკაპნიას და ნაყოფის დაღუპვას.
მაღალ დოზებში და ხანგრძლივი დროით ოქსიტოცინის გამოყენებისას ანტიდიურეზული საშუალების მოქმედება იწვევს ინტოქსიკაციას, რომელიც გამოხატულია კრუნჩხვებით.
მკურნალობა: პრეპარატის მიღების შეწყვეტა, სითხის შეყვანა, ფორსირებული დიურეზი, ნატრიუმის ქლორიდის ჰიპერტონული ხსნარის გადასხმა, ელექტროლიტური ბალანსის ნორმალიზება, ბარბიტურატების შეყვანა სიფრთხილით და პაციენტზე საგულდაგულო დაკვირვება.
სხვა წამლებთან ურთიერთქმედება
ოქსიტოცინი სიფრთხილით გამოიყენება სიმპათომიმეტიურ საშუალებებთან კომბინაციისას.
