ფარმაკოლოგიური თვისებები
ჰიმეკრომონი ნაღველმდენ გზებზე ახდენს სელექტიურ სპაზმოლიზურ მოქმედებას, რომელიც კომბინირდება გამოხატული ქოლერეზული ეფექტით. მისი უშუალო მიოტროპული ზემოქმედება აუმჯობესებს ნაღვლის სადინარების გლუვი მუსკულატურის ფუნქციონალური მდგომარეობას, რაც ხელს უწყობს ნაღვლის ბუშტიდან და ქოლედოქუსიდან გამოყოფას ოდის სფინქტერის გზით და ამცირებს მასში წნევას, გამოწვეულს – ქოლესტაზით. იგი არ ახდენს ზეგავლენას ნაღვლის ბუშტის კუმშვადობაზე და ზრდის სერკეტირებული ნაღვლის რაოდენობას. ამის შედეგად აქტივირდება პანკრეასის ლიპაზა, რაც ხელს უწყობს ცხიმების ემულგირებას და მათ შეწოვას.
ფარმაკოკინეტიკა
პრეპარატი პერორალური მიღების შემდეგ სწრაფად შეიწოვება კუჭ-ნაწლავის ტრაქტიდან. მაქსიმალური კონცენტრაციას აღწევს 2-3 საათის შემდეგ. პრეპარატის განაწილების მოცულობა ვარირებს 20.8-36.4 ლ-ის ფარგლებში. ნახევარგამოყოფის პერიოდი პლაზმაში შეადგენს საშუალოდ 1 სთ-ს. კუმულირდება ნაღველში, ამასთანავე მისი ელიმინირების ხარისხი დამოკიდებულია ნაღვლის სეკრეციაზე, საერთო კლირენსი შეადგენს 1413 მლ/წთ-ში. პრეპარატი ორგანიზმიდან გამოიყოფა შარდის მეშვეობით, 93% გლუკურონიდის სახით, 1.4% სულფატის სახით, ხოლო 0.3% უცვლელი სახით.
ჩვენებები
- ნაღვლმდენი გზების ჰიპერკინეტიკური დისკინეზია;
- ქვემწვავე და ქრონიკული ქოლედოქო და ქოლელითიაზი; არაობსტრუქციული ქოლესტაზი;
- ნაღველის სეკრეციის უკმარისობით გამოწვეული ყაბზობა.
დოზირების რეჟიმი
პრეპარატი მიიღება 1 ტაბლეტის ოდენობით 3-ჯერ დღეში ჭამის დროს.
მკურნალობის კურსის ხანგრძლივობა განისაზღვრება მკურნალი ექიმის მიერ.
იმის გამო, ბავშვებში პრეპარატის უსაფრთხოება და ეფექტურობა არ არის დადგენილი, ამიტომ მისი გამოყენება არ არის რეკომენდებული.
გვერდითი მოვლენები
აღწერილია შემდეგი გვერდითი მოვლენები: ჰიპერმგრძნობელობა – ქავილი, ერითემა, გამონაყარი, ჭინჭრის ციება.
კუჭ-ნაწლავის ტრაქტის მხრივ: – დიარეა, რომელიც დოზის შემცირების შემდეგ ქრება;
ძალიან იშვიათად გვხვდება – მძიმე ალერგიული რეაქციები.
უკუჩვენებები
* პრეპარატის მიღება არ არის რეკომენდებული მასში შემავალი რომელიმე კომპონენტის მიმართ მომატებული მგრძნობელობის გამო;
* ღვიძლის მძიმე დაავადება, მათ შორის მწვავე ჰეპატიტი და ქოლანგიტი;
* თირკმელების ფუნქციის მძიმე დარღვევა;
* ნაღვლმდენი გზების მთლიანი ან ნაწილობრივი მექანიკური დაცობა;
* წყლულოვანი და ჰემორაგიული კოლიტი;
* კრონის დაავადება;
* ნაღვლის ბუშტის მწვავე ჭვალი;
* მწვავე ქოლეცისტიტი და ქოლანგიტი;
* ნაღვლის ბუშტის ემპიემა.
ორსულობა და ლაქტაცია
ორსულობისა და ლაქტაციის პერიოდში ჰიმეკრომონის გამოყენებისას უსაფრთხოების შესახებ არ არსებობს მონაცემები. ლაქტაციის პერიოდში თუ აუცილებელია პრეპარატით მკურნალობა, მაშინ საჭიროა ძუძუთი კვების შეწყვეტა.
განსაკუთრებული მითითებები
სატრანსპორტო საშუალებების მართვის უნარზე ზემოქმედება: პრეპარატის მიღებისას არასასურველი გავლენა ყურადღების კონცენტრაციაზე, რეფლექსებსა და მოძრაობის აქტივობაზე არ არის აღწერილი.
ჭარბი დოზირება
ჰიპეკრომონის მიღებისას ჭარბ დოზირებაზე მონაცემები არ არსებობს.
სხვა წამლებთან ურთიერთქმედება
– ჰიმეკრომონის მეტოკლოპრამიდთან ერთდროულმა მიღებამ შესაძლოა გამოიწვიოს მათი ეფექტების დათრგუნვა.
– ჰიმეკრომონი სიფრთხილით ენიშნებათ პაციენტებს, რომლებიც იღებენ საგულე გლიკოზიდებს, ვინაიდან პრეპარატს შეუძლია გამოიწვიოს დიარეა, შემდგომი ჰიპოკალიემიით და ამის გამო იზრდება პაციენტის მგრძნობელობა საგულე გლიკოზიდებისადმი.
– ჰიმეკრომონი შესაძლებელია გამოყენებულ იქნას სხვა სპაზმოლიზურ და ანალგეზიურ საშუალებებთან კომბინაციაში.
